sweety.....susan...

似乎越大个，越要面对将来生活问题既时候，我地两个既争执就越激烈，老实讲，我一直都好唔想听到你话你自己系甘，系甘懒，系甘无出息，我好唔想听到，但点解你成日都要讲住呢？我唔想去睇死你，但你又唔中意同我讲，究竟我系米应该反省一下我自己，我过问既野太多呢？我开始稳唔到我系你心中甚至系身边，我系扮演一个咩角色，因为自从我果晚睇到好多你同距既信息，我开始控制唔到我自己，你可以将你既心事同距讲，但系我呢？问你，你唔讲，我觉得好心寒，我好嬲我自己，嬲我自己既虚荣，嬲我自己既无用，嬲我自己既冲动，嬲我自己既一切，一切，怪我自己无能力去离开你，怪有D野发生左，但我过于保守，觉得一世无得回头，觉得对下一个既唔公平.....

太多野牵绊住我，太多太多啦，究竟我应该点做？应该点样去做？有时我会谂，我系唔适合拍拖呢？好烦阿，以家都开始一个人去行街，学习一个人去食饭，一个人去打发自己既时间，无错，系你身边大把朋友陪住你，而我，就得自己一个人，我羡慕你D朋友，希望你D朋友全部都会接受我。

其实系我自己多野谂姐，我真系好惊系度写日记阿，但有D野唔写出黎，我又好唔开心，我好怕你会知道我点谂，因为我实在唔想离开你，唔想嘈交，我知我自己无出息，我唔想人知道我系几甘唔开心，明明系好想喊，但都要扮笑，都系我自己要求高，你顶唔顺，我都系想要一个可以照顾我既人，其实要求唔系好高姐？你都快毕业啦，就算唔去稳野做住，想真正毕业先稳都好阿，无所谓阿，不过你得闲都可以谂下将来点打算，将来点生活都好阿？唔好一日挂住游荡，挂住玩乐？你话我睇死你，你话你自己有计划，但你就唔同我讲，唉～我谂起就好唔开心，你对住大象讲甘多野，我知道你对距系无野，但系就唔怕我呷醋？唉，本来仲有好多野想讲噶，不过实在太惊啦，好惊你撞岩上黎既话，睇到又会唔开心，到时又要嘈分手，我实在无力气啦，好累，希望你上黎睇到既时候，一系你就无野甘安慰下我，二就系你嘈住要分手，我可以唔使晚晚喊，因为我只眼到以家都未消肿，足足2个星期啦，未消过，2日唔埋3日喊餐，可以唔肿咩？我都想有朋友系身边陪住我，不过朋友帮到我咩？我唔想再烦人，唔想再唔开心，好唔想......

呢一年黎系银行做野，辛苦又累，不过胜在学左好多野，亦都好感谢有个赞赏自己既上司，行长系我年终考核里面，评得最高分，首先好感谢你啦，你甚至答应过我，会帮我转正，但系最近我被你派左上去分行做野，我先知道，原来转正工作已经结束啦，唔知你系咪唔知？定系当时呃我既呢？其他部门D合同工都转左啦，都系距地部门既领导帮距地写申请转噶，其实只要系领导写申请，人事部通常都会批噶，话晒都系领导推荐阿？但点解无我份既呢～唉，人衰起上黎就系衰噶，感情失败啦，连工作都失望阿，边个话情场失意，事业得意噶？快抓去打靶啦！！！！

我，又系一个牺牲品啦，又系一个典例，天阿，你点解今年一开始就要将大任于我阿？解脱左我啦，please~

好烦阿，我以家唔系发梦比人抛弃呢，就系发梦转正唔成功既事，以家既我，唔使刻意去减肥都自然瘦左几斤啦又～当初自己考核得甘高分，行长又话帮我转正，甘我就好开心甘对屋企人讲啦，搞到爸爸好开心，以家知道个女原来系流野，我都唔敢出声讲阿，其实我都唔系好刻意去要呢样野，不过又有边个唔痕呢样野阿？点都叫系我以家工作既一个目标，因为做人唔可以无目标噶嘛，系咪？我日日都努力去工作，甚至晚晚都带工作回家去做，不过又有边个人知道阿？不过希望上天阿，你就怜悯一下我呢个苦命人啦，我感情已经一塌糊涂，以家只能寄情于工作，你就唔好玩弄我于手心啦，我明白道理噶，唔系唔讲道理既一个人，因为我信系我既点都系我既，或者我时候未到既姐，算啦，努力敢去增值自己啦，相信努力系唔会白费噶，一定会有机会噶，如果机会真系无既话，就当呢几年学多D野，为将来稳工既简历写靓D咯，唔系可以点？看开D啦，会有出头噶，只要努力，相信唔会白费噶！加油！！！

 

“你做乜姐？成日都好似冤魂甘冤住晒，知唔知你自己好烦噶姐？”

系噶，我都觉得自己好烦啊，开始好惊无所事事对住部电脑既日子，你以家起身睇球咯，不过唔知你知唔知今日系咩日子呢？元宵喔，呵呵，从初八开始一直上班，直到琴日先休息，系同事口中先知道原来今日系元宵喔，群里面一DD情侣都打算今晚去边睇烟花，但我就好似脑里面一片空白甘，你唔中意出街，唔中意去人多热闹既地方，甚至唔中意同我一齐出街，因为你怕比人见到，会话你，我明白噶，话晒都一齐4年几啦，回想下呢4年呢，唔知叫唔叫浪费青春呢？不过又点有咩青春可以浪费啊？因为我都无人追过，呵呵，错事就做左一大堆咯，写写下日记都系觉得呢度好，因为你唔会上黎睇，系QQ空间里面写，我最多都系写下自己今日唔开心，但就唔会甘深入写自己D感想，或者最近随着我身材又开始肥翻，你开始唔中意，又对我埋怨+冷淡啦，5555555，唔习惯啊，呵呵，最近只眼肿得好紧要，可能离唔开我晚晚喊既原因呱，早上一早就起身，又开始惯性甘打你电话，明知甘做你一定会唔中意，所以得到上面你果句怨言，我又开始范贱啦，唉～

琴日爷爷入医院，吓到嘛嘛一身汗，不过无事啦，希望爷爷早日康复啦～

可能我地时间长呱，都4年啦，就算分开，相信好多朋友都以为我地又系度玩啦，因为以前成日都甘玩，不过以家真系黎认真咯，你已经开始唔中意我啦，唔挂住我啦，唔理我啦，甚至都唔想见我啦，有时真系觉得你好叻，如果中意一个人，真系可以做到唔挂住，唔会去电话对方，唔会话不如出黎见见啊，我以前唔识谂，以家识咯，因为你唔中意，我就你咯，你唔中意见，我就去买摄像头，视频黎见，但视频又点？你都系开始做你自己既野，我发一句你回一句，有时望住你，好想喊，不过唔敢，因为你唔中意，你话好似痴线甘，你又唔系死，做咩喊？喊就喊啦，仲要开住个视频喊比你睇，系咪意思？好做作。我都明白，我喊，已经换唔到你一DD既同情，换黎既系做作，边个话眼泪系女人既杀手武器？抓距去打靶！我啊，记住，你呢句话，我就系一个典例，唔开心想喊？唔使旨意，你喊啊，一喊，就以后都唔好稳距啦，唔会再睬翻你噶，好啦，我保证啦，唔会有下次噶啦，你保证啦，你次次都保证噶啦，又咪次次都系甘，点解要人陪既姐你？唔陪你就唔开心，我知我系衰，唔关心你，唔理你，成日挂住玩游戏，坐系屋企，又唔去稳野做，又唔做野，我知我自己懒噶，但系我就无动力去做好，我甘衰，你甘痴埋黎做咩姐？有时我好相信一句话，每个男人都系好既，不过距系对一个距真系好中意既女仔先好咯，星期二晚去人山人海食自助餐，你都可以掉吓我一个人去稳野食，我好辛苦先叫到你陪我去，望住一张台既你D老死同埋距地既女朋友，全场不知几甜蜜，行出行入都一齐，而你宁愿同隔离既一个朋友倾计，一齐去罗野食，都唔会陪我，其实我系咪好多余噶姐？问你，你就话呢度多人，唔想比人话，做人做到甘偷摸，我都惯咯，毕竟都可以话一齐4年，亦都可以话，我原来过左4年单独生活，其实我系咪好唔适合拍拖噶？以前高中，你对我好好噶，以家我甚至帮你罗埋野食，你都会闹一齐，唔使啊，我都唔中意食呢D，我知道你喜欢食烧茄瓜，好多人排队啊，我自己一个人排左半个小时，终于等到啦，罗到翻去，首先就比其他人瓜分啦，好辛苦留到D比你，你食左少少就话，好似食炭甘，吓？系啊？我再去排多次啊，我今次叫距唔好烧甘耐啦。唔好啦，唔想食。哦.....

近1，2年，印象中，我可以做咩你都唔满意，系咪你已经对我无晒感觉呢？或者啦，呵呵，好啦，希望呢篇野你唔好睇到啊，唔系我又唔知点做噶啦，再喊落去，我怕我双眼出血啦，但我又好惊你又会同我讲分手，我真系好无用啊，你唔好嬲啦，当我无讲过啦，好无？笑翻啊～

今日去整蛋糕啊～嘻嘻....
望住自己亲手整个蛋糕，好开心啊，尽管整得肉酸，不过味道一流呢～（都系师父既功劳）
第一次整蛋糕，初初真系手忙脚乱啊，原来“文”果D忌廉，好难啊～～～～～～～～～基本上，无师父既最后一手，我呢个蛋糕，根本就－－－－唔成型.....一鞑野甘～-_-  -_-  -_-
嘻嘻～比大家望望我个靓靓蛋糕啦～
其实我整左两个噶，不过另外一个蛋糕一整完，我同XX就食晒啦，D相系距手机度，以家未罗到住，果个仲靓啊，朱古力黎噶，嘻嘻....哈哈.....哇哈哈～～～

      系20个钟头前，我既生活仲系一片平静，甚至可以讲得上欢快，但系偏偏，一D人，一D事，突然来袭，我，变得不平静，再见系唔可以做朋友噶，我系唔得，唔想去谂一D野，系因为我觉得我以家生活好好，唔希望有人黎打扰啊

     原来人比人真系比死人，睇番故人既野，觉得的确，系世人眼中，故人好幸福，令我好羡慕，我都系世人之一，所以我都觉得故人好幸福，相比，我就唔幸福？

     并唔系噶，我都同样有人锡我噶，系部分世人眼中，我也是幸福家庭的一分子，我也是的，我应该是的

     故人不在，离开了人世啦，我也是时候将此故人忘记，投入我新的生活了。